2016-cı il mayın 18-də Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı, “Dünya” məktəbinin təsisçisi Nailəxanım İsayeva, Azərbaycan Respublikasının xalq artisti Gülyanaq Məmmədova və əməkdar artist (Opera və Balet Teatrının soloisti) Fərid Əliyev Türkiyədə Adana şəhərində olmuşdular. Adana valiliği il mədəniyyət və turizm müdürlüğünün şöbə müdiri Mehmet Kurtgöz və Kahramanmaraş Sütçü İmam Universitetinin protokol müdiri Ali Samed Ulunun köməyi və müşayiəti ilə Adana şəhərinin muzeyləri və görkəmli yerlərini gəzmiş, mədəni abidələrlə tanış olmuşlar.