“Xəzər”in tələbələri “ICAMES” Beynəlxalq konfransında iştirak etdilər
2016-cı il mayın 5-dən 12-dək Xəzər Universitetinin Elektronika ixtisasında təhsil alan tələbələr – Qurban Əsgərov, Ələvəz Qədimov, Adil Babayev və Əlikram Həsənli Türkiyənin Boğaziçi Universitetində təşkil olunan “ICAMES 2016 – International Cultural and Academic Meeting of Engineering Students” konfransında universiteti layiqincə təmsil etdilər. Bir həftə davam edən konfransda dünyanın 20 müxtəlif ölkəsindən gələn mühəndislik ixtisasının tələbələri öz layihələrini sərgilədilər. Xəzər Universitetinin tələbələri “Hibrid polimer –axının təyin edilməsi üçün slikon qurğular” (“Hybrid Polymer – Silicon Devices for Determination Flow”) mövzusunda çıxış etdilər.