Yerli tərəfdaşlarla ESFIDIP layihəsi barəsində görüşlər keçirildi
2016-ci il mayın 11-də Xəzər Universitetinin koordinator olduğu ESFİDİP (Əlilliyi olan şəxslərin Azərbaycanın ali təhsil müəssisələrinə inteqrasiyasının təməlinin qoyulması) Tempus layihəsi çərçivəsində yerli tərəfdaşlar (Azərbaycan Dövlət İqtisad Universiteti, Naxçıvan Dövlət Universiteti, Gəncə Dövlət Universiteti, Sumqayıt Dövlət Universiteti və Əlil Təşkilatları İttifaqı) arasında Skype vasitəsilə görüş təşkil olundu. Görüş zamanı layihə çərçivəsində görüləcək işlər – avadanlıqların alınması, pilot proqramının planlaşdırılması və həyata keçirilməsi, layihənin təbliğatının aparılması haqqında müzakirələr keçirildi. Həmçinin, tərəfdaş universitetlərdə dərs deyən müəllim heyəti, inzibati işçi və tələbələr üçün təşkil olunmuş və təşkil olunacaq təlim-seminarlar haqqında da hesabat verildi.