2016-cı il aprelin 28-də H. Əliyev adına liseydə həmin liseyin 11-ci sinif şagirdləri və liseyin kollektivi ilə Xəzər Universiteti rəhbərliyinin görüşü keçirildi. Liseyin direktoru Ümid Babaşov girişdə universiteti rəhbərliyini səmimi qarşıladı, lisey haqqında qısa məlumat verdi və salona toplaşan şagirdlərə Xəzər Universiteti rəhbərliyini təqdim etdi.
Xəzər Universitetinin rektoru Dr. Hassan Niknafs, Akademik işlər üzrə prorektor professor Məhəmməd Nuriyev, İqtisadiyyat və menecment fakültəsinin dekanı İnqilab Əhmədov, İctimai əlaqələr və media üzrə direktor Əlövsət Əmirbəyli, H.Əliyev adına məktəbin məzunları, universitetin tələbələri Ülviyyə Qarayeva, Nurlan Əliyev, Usama Ahmet Khand (Pakistan), Tendai Samantha Shereni (Zimbabve), Yanik Akbor (Kamerun) və digərləi görüşdə iştirak edirdilər. Universitetin rəhbərliyi və tələbələri şagirdləri maraqlandıran çoxsaylı sualları cavablandırdılar.
Liseyin müdiri Ümid Babaşov maraqlı görüş üçün məktəbin kollektivi adından universitet rəhbərliyinə təşəkkür etdi.
Görüşdən sonra liseyin şagirdləri koridorda universitet rəhbərliyi ilə şəxsən görüşüb onları maraqlandıran bütün suallarına cavab aldılar.