2016-cı il aprelin 22-də “British Council” və Xəzər Universiteti birlikdə Uilyam Şekspirə həsr olunmuş “Şekspir dünyada” mövzusunda konfrans keçirəcək.

Konfrans Şeksprin ölməz ilhamverici yaradıcılığının əhatə dairəsinin tarixi və coğrafiyasına, eləcə də, 2016-cı ildə onun ölümünün 400 illiyi ilə bağlı həyata keçirilən fəaliyyətlərə nəzər yetirəcək. 

Tədbirin spikerləri arasında Birləşmiş Krallıqdan, Azərbaycandan və Gürcüstandan olan akademik işçilər və tədqiqatçılar olacaq. Akademik yönümlü təqdimatlara əlavə olaraq konfransda tələbələrin təqdimatları, film və qısa dram səhnələrinin nümayişi olacaq.

Konfrans Şekspirin ölümünün 400 illiyi günündən bir gün öncə – aprelin 22-də Xəzər Universtitenin “Mərmər” zalında keçiriləcək.

Maraqlanan hər kəs tədbirdə iştirak edə bilər.https://www.britishcouncil.az/en/events/Shakespeare-in-the-World-conference