Xəzər Universitetinin Mexanika mühəndisliyi fakültəsi tələbələri, əməkdaşlarını və professor-müəllim heyətini Mexanika mühəndisliyi departamentinin koordinatoru Dr. Mehdi Kiyasatfarın təşkil etdiyi “Təcrübə mübadiləsi” seminarlar silsiləsində müxtəlif peşəkarlar və akademiklərdən maraqlı tədqiqat işləri və planları eşitməyə dəvət edir.
Bu silsilədə təhsil işçiləri, tələbələr, məzunlarımız, sənaye nümayəndələri və digər xarici tərəfdaşlar müəyyən mühüm akademik və sənaye işlərində öz təcrübələrini və bacarıqlarını bir-birləri ilə bölüşəcəklər. Yüksək səviyyədə interaktiv görüş keçirməyi hədəfləyən bu silsilə, "bir-birimizdən öyrəndiklərimiz”əsasında bir atmosfer yaratmaq üçün yeni və həyəcanverici bir fürsət olacaq. Mövzular bizim tədqiqat sahəmiz qədər müxtəlifdir və əsas diqqət mexanika, idarəetmə, cihazqayırma, robototexnika, mikro və nano mühəndislik, dizayn və istehsal, enerji və mühəndislik və biomühəndisliyə yönəldilir.
Təcrübə Mübadiləsi silsiləsi 6 noyabr 2021-ci il, saat 13:00- Macarıstanın Miskolc Universitetində məzunlarımız və hazırkı PhD tələbələrimizlə- Ziya Mehdiyevin “Additiv İstehsal: Ümumi Proseslər, Sənaye Tətbiqləri və Mövcud Çətinliklər” adlı seminarı və Püstə Cəlalovanın “Tribologiya: Son Tərəqqi və Gələcək Perspektivlər” adlı seminarı ilə başlayacaq.
Seminara qoşulmaq üçün bura klikləyin!
Təcrübə mübadiləsi silsiləsi 2021-2022-ci tədris ili boyunca bir çox digər tədqiqatçılar və hamını həvəsləndirəcək maraqlı mövzularla davam edəcək. İzləmədə qalınhttps://khazar.org.