16 mart 2021-ci il tarixində saat 17:00-da Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş virtual tədqiqat seminarı keçirəcəkdir. Seminar Middlesex Universitetinin Fəxri Professoru və həmçinin Azərbaycan Universitetinin Professoru olan Prof. Paul Gibbsin təqdimatında “Britaniya və Amerika jurnallarında nəşr olunma” mövzusunda olacaqdır. Prof. Gibbs yaxşı akademik məqalələrin hazırlanması və onların Britaniya və Amerika jurnallarında nəşr olunması haqqında danışacaqdır.

Seminar MS Teams proqramında keçiriləcəkdir və seminar ingilis dilində olacaqdır. İştirak etmək istəyənlər qeydiyyatdan keçmək və əlavə məlumat almaq üçün Ülkər Bayramova (ubayramova@khazar.org) ilə əlaqə saxlaya bilərlər. 

Seminara qoşulmaq üçün link aşağıdakı kimidir:

Microsoft Teams meeting
Join on your computer or mobile app
Click here to join the meeting

Prof. Paul Gibb haqqında qısa arayış: 

Prof. Paul Gibbs, Middlesex Universitetinin Fəxri professoru və Təhsil Tədqiqatları və Təqaüd Mərkəzinin qurucusu, UTS Sidney, Azərbaycan və Şərqi Avropa Universitetlərində qonaq professordur. O, ATLAS-ın (Texas Universiteti) və Yüksək Təhsil Siyasəti Mərkəzinin, New College Oxford-un əməkdaşıdır. Sosial realizm və Heideggerian hermenevtikası ilə yanaşı transdisiplinatlıq anlayışları haqqında dərs demiş və otuzdan çox müvəffəqiyyətli doktorant tələbələri olan transdisipliner peşəyə sahib bir pedaqoq və tədqiqatçıdır. Ali təhsilin marketinqindən tutmuş peşə təhsili və ali təhsilə qədər müxtəlif mövzularda iyirmidən çox araşdırma kitabı nəşr etdirmiş, yüzdən çox akademik məqalə və kitab fəsli çap etdirmişdir. O, eyni zamanda Təhsilin Əsas Düşünənləri haqqında SpringerBriefs jurnalının redaktorudur.