15 mart 2021-ci il tarixində saat 16:00-da Xəzər Universiteti Təlim və Tədris Mərkəzinin təşkilatçılığı ilə magistr, doktorant tələbələr, akademik heyət və tədqiqatçılar üçün nəzərdə tutulmuş növbəti virtual tədqiqat seminarı keçiriləcəkdir. Seminar Qazi Universiteti, Qazi Təhsil fakültəsinin əməkdaşı Prof. Dr. Salih Şahinin təqdimatında “Tələbələrin onlayn təhsildə iştirakı” mövzusunda olacaqdır. 

Seminar MS Teams proqramında keçiriləcəkdir və türk dilində olacaqdır. İştirak etmək istəyənlər qeydiyyatdan keçmək və əlavə məlumat almaq üçün Ülkər Bayramova (ubayramova@khazar.org) ilə əlaqə saxlaya bilərlər.

Tədbirə MS Teams proqramında aşağıdakı link vasitəsilə qoşulmaq olar:

Microsoft Teams meeting
Join on your computer or mobile app
Click here to join the meeting

Prof. Dr. Salih Şahin qısa məlumat:

Prof. Dr. Salih Şahin, Ankara, Qazi Universitetində əhali, məskunlaşma və coğrafiya təhsili sahəsində ixtisaslaşmışdır. Ankara Universitetinin məzunudur, 1993-cü ildə magistr dərəcəsini, 1998-ci ildə isə Qazi Universitetində doktorluq dərəcəsini alıb.

Prof. Dr. Salih Şahin araşdırma apardığı sahələr əhali coğrafiyası, köç, Türkiyədəki insan coğrafiyası və orta məktəb coğrafiyası təhsili və s. 3 kitabın və 30-dan çox tədqiqat məqaləsinin müəllifidir.

Türk Orta məktəb Coğrafiya Kurikulumları Şurasının üzvüdür. On yeddi il əvvəl Liverpool Hope Universitetində İngilis dili təhsili və 5 il əvvəl Vaşinqtonda "Ali Təhsildə Liderlik və İdarəetmə" təhsilini alıb. Fərqli tədris metodlarından istifadəsində və çöl təcrübələri etməkdə maraqlıdır. Həmçinin səyahət etməyi və türk xalq mahnılarını ifa etməyi sevir.