Xəzər Universiteti, İngiltərənin Middlesex Universiteti ilə birlikdə “British Council Creative Spark” Ali Təhsil Müəssisə Proqramı tərəfindən dəstəklənən Sahibkarlıq sahəsində çalışan Qadınlar mövzusuna həsr olunmuş bir sıra seminarlar təşkil etməkdədir.

İlk seminar, hazırda Berlin Texniki Universitetində Süni İntellekt üzrə tədqiqatçı olan Günay Kazımzadə ilə başlayır. Seminar 28 dekabr 2020-ci il tarixində saat 16: 00-da baş tutacaq.

İlk seminarın adı “Sahibkarlıq sahəsində çalışan qadınların üzləşdiyi çətinlik və imkanlar”dır. Seminara hər kəs dəvətlidir və link aşağıda yerləşdirilib:

Microsoft Teams meeting
Join on your computer or mobile app
Click here to join the meeting

Günay Kazımzadə Almaniyanın Berlin şəhərindəki Weizenbaum Əhatəli Cəmiyyət İnstitutunda Süni Zəka üzrə tədqiqatçıdır. Eyni zamanda Berlin Texniki Universitetində Kompüter Elmləri üzrə doktorantdır.

Hal-hazırda “Süni Zəkaya əsaslanan sistemlərin önəmi” Araşdırma Qrupu ilə birlikdə çalışır. Əsas tədqiqat istiqamətləri Süni Zəka sahəsində cinsi və irqi qərəzlilik, əhatəlilik və süni zəkanın inkişaf etdirilməsidir. O hazırda “TedX”platformasında spiker kimi fəaliyyət göstərməkdədir və Avropadan 4000-dən çox Qadın liderin iştirak etdiyi 2018-ci ildə Amsterdamda keçirilən “European Women in Technology” konfransında diqqəti özünə cəlb etməyə nail olmuşdur. Hal-hazırda isə inkişaf etməkdə olan Texnologiya sahəsində bilik mübadiləsi məqsədi daşıyan “TechCentrum” sosial platformasını idarə edir.