Xəzər Universitetinin Memarlıq və dizayn departamentinin “Dizayn” ixtisası üzrə tədris alan 4-cü kurs tələbəsi Aydan Səfərova 2025-ci ilin iyul–avqust aylarında “Yay Universiteti 2025” layihəsində iştirak edib.

20 iyul - 3 avqust tarixlərində o, Rusiya Federasiyasının Elm və Ali Təhsil Nazirliyinin dəstəyi ilə Kazan Federal Universitetində keçirilən “Yay Universiteti 2025” proqramında iştirak edərək, “Memarlıq və dizaynda regional ənənələr və meyllər” treki üzrə təhsil alıb. Aydanın komandası Kazanın Tincurin parkının yenidən qurulması layihəsi üzərində işləyib və təqdim etdiyi konsepsiyada Tatarıstanın milli simvolları ilə yanaşı, “Şurəle” əfsanəsindən də istifadə edib. ÜzvÜ olduğu komanda layihəyə görə birinci yerə layiq görülüb. Proqram sponsorlar tərəfindən dəstəklənib.

20 avqust 2025-ci ildə eyni layihə çərçivəsində   Aydan Səfərova “SaleX” komandası ilə birlikdə InnoStart Grand Demo Day layihəsinin final mərhələsində iştirak edib. İnnovasiya və Rəqəmsal İnkişaf Agentliyinin (İRİA) dəstəyi və SUP VC şirkətinin təşkilatçılığı ilə keçirilən yarışmada SaleX komandası süni intellekt texnologiyalarına əsaslanan startap təqdim edib və birinci yerin qalibi olub. Komanda 50 000 manatlıq mükafat fondu üzrə qaliblər siyahısına daxil olub.