2025-ci il mayın 3-5-də Xəzər Universitetinin Beynəlxalq əlaqələr şöbəsinin koordinatoru Jalə Məmmədova və Beynəlxalq əlaqələr üzrə (ərəb dünyası) rektorun müşaviri Əhməd Elaydi İstanbulda işgüzar səfərdə olublar. Səfər çərçivəsində  mayın 3-də EduX və StudyFans təşkilatçılığı ilə keçirilən Ərəb Tələbələr üçün Təhsil Sərgisində Xəzər Universiteti uğurla təmsil olunub.

Sərgidə Xəzər Universitetinin xüsusi stendi qurulmuş və ərəb ölkələrindən gələn yüzlərlə abituriyentə universitetin təhsil imkanları, ixtisasları, təqaüd proqramları və beynəlxalq tələbələr üçün yaradılmış şərait, eyni zamanda Nailəxanım təqaüd proqramı, onun imkanları və qəbul şərtləri barədə ətraflı məlumat verilmişdir. “Xəzər”in əməkdaşları, eyni zamanda, sərgi iştirakçılarının əlaqə məlumatlarını toplayaraq,  gələcəkdə onlara Xəzər Universitetində təhsil almaqla bağlı ətraflı məlumat vermək üçün ilkin addımlar atıblar.