2025-ci il mayın 14-də Bakı Ekspo Mərkəzində Xəzər Universiteti ilə Azərbaycan Sərgi Təşkilatçıları Assosiasiyası (ASTA) arasında qarşılıqlı əməkdaşlıq memorandumu imzalandı.

Tədbirdə ASTA-nın idarə heyətinin sədri Fərid Məmmədov, Xəzər Universitetinin rektor əvəzi Prof. Məhəmməd Nuriyev, İqtisadiyyat və menecment fakültəsinin dekanı Dr. Raziə İsaeva və fakültənin  əməkdaşları iştirak etdilər.

Memorandumun imzalanması universitetin sərgi və təşkilati fəaliyyətlər sahəsində əməkdaşlığın genişləndirilməsi və tələbələrin praktiki təcrübə imkanlarının artırılması məqsədini daşıyır.

İmzalanma mərasimindən sonra Xəzər Universitetinin nümayəndə heyəti Bakı Ekspo Mərkəzində təşkil olunan sərgi ilə yaxından tanış oldular. Sərgidə təqdim olunan innovativ həllər və müasir texnologiyalar barədə ətraflı məlumat əldə etdilər.