2025-ci il mayın 11-də Xəzər Universitetinin Fikrət Əmirov Konfrans-Konsert Mərkəzində universitetin İqtisadiyyat və menecment fakültəsi və Xəzər Musiqi Klubu tərəfindən musiqi və ifaçılıq istedadı olan tələbələrin, Xəzər Musiqi Klubu üzvlərinin və qonaqların – pop və rep ifaçısı Aslixan və Eurovision-da Azərbaycanı təmsil etmiş pop ifaçısı Nadir Rüstəmlinin  iştirakı ilə konsert təşkil olundu. Konsertdə İqtisadiyyat və menecment fakültəsinin dekanı Raziyə İsayeva, tələbələr və müəllimlər iştirak edirdilər.

Konsertin ilk hissəsində İqtisadiyyat və menecment, Humanitar, təhsil və sosial elmlər və Təbiət elmləri və mühəndislik fakültələrindən musiqi istedadı olan tələbələr müxtəlif mahnılar səsləndirdilər.

Sonra Xəzər Musiqi Klubu üzvlərinin konsert proqramı təqdim olundu. İqtisadiyyat və menecment fakültəsindən Bəhruz Sultanov ( “La Luna” , “Bizdən Olmaz”  - bu iki musiqinin müəlliflik hüquqları da ona aiddir), Nuray Əliyeva  (“La Luna”, “Rolling İn The Deep”), Sənhan Hüseynov (“Ay işığında”) ;  Humanitar, təhsil və sosial elmlər fakültəsindən Xalidə Əliyeva  (“Gəl qaytar eşqimi”, “Ölsəm bağışla”), Yəmən Əliyeva  (“Aldadıldıq”),  Nigar Atakişiyeva  (“Gəl ey səhər”, “Gəl qaytar eşqimi”,  Şəfəq Nağızadə  (“Səndən nigaranam” , “ Sən gələndə”) ;  Təbiət elmləri və mühəndislik fakültəsindən Şadman Bəlqiyaslı (“Yada sal məni”) müxtəlif mahnılar ifa etdilər.

Sonda  Aslixan və Nadir Rüstəmlinin  ifaları musiqiçi tələbələr üçün əslində ustad dərsi oldu.

Böyük maraqla qarşılanan konsert xoş əhval-ruhiyyə və alqışlarla sona çatdı.