2025-ci il mayın 12-də Dillər və ədəbiyyatlar departamentinin Dillər bölməsində Azərbaycan dili ixtisası üzrə təhsil alan Adikə Pərviz qızı Alməmmədovanın “Xətai Təbrizinin “Yusif və Züleyxa” əsərində əvəzliklər” mövzusunda dissertasiya işinin ilkin müzakirəsi keçirilmişdir.

İclası bölmənin koordinatoru Dr.Sevinc Qəmbərova açaraq, komissiya üzvlərini magistrantın sənədləri ilə tanış etmişdir. Sonra Adikə Alməmmədova mövzunun aktuallığı, tədqiqatın obyekti, məqsəd və vəzifələri, quruluşu və fəsilləri, elmi yeniliyi, əldə edilmiş nəticələr, müraciət olunmuş mənbələr və s. barədə əhatəli şəkildə məlumat vermişdir.

Dissertasiya işinin elmi rəhbəri Dr.Reyhan Mədətova çıxış edərək, mövzuya müraciət edilməsi səbəblərindən, dissertasiya işinin yerinə yetirilməsi prosesindən, tədqiqat işinin metodlarından və s.bəhs etmişdir. İclas iştirakçıları magistranta suallarını ünvanlamış, fikirlərini bölüşərək öz tövsiyələrini vermişlər. Dissertasiya işi qənaətbəxş hesab olunmuş və növbəti mərhələyə buraxılması qərara alınmışdır.