2025-ci il mayın 13-də Xəzər Universitetinin Nərimanov kampusunda İctimai Televiziyanın “Ustad dərsi” və İctimai Radionun “Can, Azərbaycan” verilişlərinin aparıcısı, jurnalist Pərvanə Nadirqızının iştirakı ilə “Ünsiyyət bacarıqlarının inkişafı” mövzusunda tədbir keçirilmişdir. Universitetin Dillər və ədəbiyyatlar departamentinin Dillər bölməsinin koordinatoru Dr. Sevinc Qəmbərova tədbiri açaraq, bu istiqamətdə təşkil edilən görüşlərin məqsədi, faydaları barədə məlumat vermiş, qonağı təqdim etmişdir.

Jurnalist Pərvanə Nadirqızı ünsiyyət bacarıqlarının inkişaf etdirilməsi üsulları, onların tətbiqi qaydaları, kommunikasiya prosesindəki əhəmiyyəti, işgüzar həyatdakı rolu, ünsiyyət prosesində ən mühüm amillər, mütaliənin faydaları və s.barədə həm nəzəri bilikləri, həm öz şəxsi təcrübəsini auditoriya ilə bölüşmüş,  bu istiqamətdə keçdiyi inkişaf mərhələləri barədə əhatəli şəkildə bəhs etmişdir.

Tədbirdə Humanitar, təhsil və sosial elmlər  fakültəsinin dekan müavini Pərvin Kərimova, Dillər və ədəbiyyatlar departamentinin müəllimləri Dr.  Reyhan Mədətova, Dr.Qardaşxan Əzizxanlı, Dr. Mədinə Karahan, Elm və Təhsil Nazirliyinin “Azərbaycan dili və ədəbiyyat” elmi jurnalının baş redaktoru Gülnar Əliyeva çıxış edərək, öz fikirlərini bölüşmüşlər.

Təqdim edilən mövzu tələbələrin  marağına səbəb olmuş, sualları cavablandırılmış, görüş müzakirələrlə davam etmişdir.

Sonda qonağa Xəzər Universitetinin rektoru vəzifəsini icra edən Prof. Məhəmməd Nuriyevin imzası ilə  “Təşəkkürnamə” təqdim edilmiş və xatirə şəkilləri çəkilmişdir.