2025-ci il 29 Aprel - 1 May tarixlərində Xəzər Universitetində universitetin Enerji Sistemləri Tədqiqat Mərkəzinin təşkilatçılığı ilə “Enerji seminarları” adlı tədbirlər silsiləsi keçirilmişdir.

Seminarlar mərkəzin professorları tərəfindən həm onlayn platformalarda, həm də universitetin auditoriyalarında canlı şəkildə təşkil olunmuşdur. Tədbirlərdə Xəzər Universitetinin professor-müəllim heyəti, tədqiqatçılar və tələbələr fəal iştirak etmişlər.

Seminarların əsas mövzusu yenilənə bilən enerji sistemləri və onların müasir sənaye və cəmiyyət həyatında tətbiq imkanlarına həsr olunmuşdur. Təqdimatlar zamanı iştirakçılara bərpa olunan enerji mənbələrinin əhəmiyyəti, texnoloji yeniliklər və perspektiv tədqiqat istiqamətləri haqqında ətraflı məlumat verilmiş, interaktiv müzakirələr aparılmışdır.

Tədbirin məqsədi enerji sahəsində elmi biliklərin paylaşılması, müasir çağırışların araşdırılması və bu istiqamətdə tədqiqatçıların bir araya gətirilməsi olmuşdur. Seminarlar iştirakçılar tərəfindən yüksək maraqla qarşılanmış və faydalı elmi mübadilə platforması kimi qiymətləndirilmişdir.