2025-ci il mayın 2-də Xəzər Universiteti Dillər və ədəbiyyatlar departamentinin Dillər bölməsinin kordinatoru Dr. Sevinc Qəmbərova Gəncə Dövlət Universitetinin dosenti Aytən Əhmədova ilə birlikdə “Azərbaycan dilində işgüzar və akademik kommunikasiya” fənni üzrə “Elmi məqalələrin yazılması və nəşri” mövzusunda müştərək dərs keçmişlər. Dərsdə elmi məqalələrin tərtibinə verilən tələblər, mövzuların seçilməsi, ədəbiyyatların toplanılması və istifadəsi, kodlaşdırmanın aparılması qaydaları, məqalələrin quruluşu və nəşri, plagiatlıq hallarının aşkara çıxarılması, beynəlxalq elmi bazalar və s. barədə danışılmışdır.

Dərs tələbələrin sualları əsasında davam etdirilmiş, qarşılıqlı müzakirə şəklində yekunlaşdırılmışdır.  Sonra Dos. Aytən Əhmədova müəllifi olduğu “Müasir Azərbaycan dilində qoşmanın qrammatik-semantik xüsusiyyətləri” mövzusunda monoqrafiyasını və “Azərbaycan dilindən praktikum” adlı dərs vəsaitini Xəzər Universitetinin kitabxanasına hədiyyə etmişdir.