2025-ci il mayın 2-də Bakıdakı Tolerantlıq Evi Muzey-Mərkəzində Xəzər Universitetinin tələbələri üçün “Albaniyadan günümüzə: Alban-Udi icması ilə tarix, irs və tolerantlıq” mövzusunda tarixi-mədəni maarifləndirici görüş və dialoq təşkil edilib.

Tədbirin qonağı Alban-Udi dini icmasının sədri Robert Mobili olub. O, qədim Qafqaz Albaniyası dövründən başlayaraq müasir dövrdə Alban-Udi icmasının tarixi, dini-mədəni irsi və Azərbaycan cəmiyyətində tolerantlıq ənənələri haqqında ətraflı məlumat verib.

Tələbələrin fəal iştirakı ilə keçən görüş zamanı mövzu ətrafında maraqlı müzakirələr aparılıb, sual-cavab sessiyasında iştirakçılar bir sıra vacib məqamlarla bağlı suallarını səsləndiriblər.

Təşkil olunmuş tədbir tələbələr üçün həm maarifləndirici, həm də dəyərli təcrübə mübadiləsi baxımından əhəmiyyətli olub.