2025-ci il aprelin 28-də Xəzər Universitetinin Mərmər zalında İngilis dili və ədəbiyyatı departamentinin təşkilatçılığı ilə Vilyam Şekspirin yaradıcılığına həsr olunmuş tədbir keçirildi.

İngilis dili və ədəbiyyatı departamentinin müdiri  Dr. Milana Abbasova açılış nitqi ilə çıxış etdi. Departamentin müəllimi, amerikalı mütəxəssis Michael Collins Şekspir sonetləri üslubunda yazdığı iki şeirini və əlavə olaraq Xəzər Universitetinə həsr etdiyi  akrostik şeir parçasını səsləndirdi. Əlavə olaraq, Şekspirin əsərləri ilə F. S. Fitsceraldın romanı “Böyük Qetsbi” arasındaki bənzərlik və təzadlardan danışdı. Departamentin baş müəllimi Firəngiz Nəsirova çıxışında Şekspirin məşhur sitatlarından nümunələr söylədi. Departamentin digər baş müəllimi Nailə Qasımova özünün müəllifi olduğu şeir parçası ilə çıxış etdi.

3-cü kurs ingilis dili filologiya ixtisasının tələbələri Şayeste Mələkan və Ramalə Həsənovanın rəhbərliyi ilə Xəzər Universitetinin İncəsənət Klubunun tələbə aktyorları Şekspirin Hamlet tragediyasından bir səhnəciyi canlandırdılar. Onların bu ifası tamaşaçılar tərəfindən böyük rəğbətlə qarşılandı. Humanitar, təhsil və sosial elmlər fakültəsi Psixologiya ixtisasının 2-ci kurs tələbələri Sədaqət Məcidli, Dünya  Abbasova və Jalə Cavadova Şekspirin sonetlərini səsləndirdilər.

Azərbaycan Yazıçılar Birliyinin və Britaniya Poeziya Cəmiyyətinin üzvü Leyli Salayeva günün xüsusi qonağı qismində tədbirdə çıxış etdi. Pişəvəri adına Respublika humanitar fənlər gimnaziyasının tələbələri də tamaşaçılar sırasında idi.

Tədbirin sonunda Prof. Akad. Hamlet İsaxanlı çıxış etdi və istedadlı iştirakçı tələbələrin  canlı ifalarını yüksək qiymətləndirdi və onların bədii ruhunun, istedadlarının yeni məkanlarda  daha böyük tamaşaçı kütləsinə  çatacağına ümid etdiyini bildirdi.