2022-2024-cü illərdə Xəzər Universitetində Azərbaycan dili ixtisası üzrə magistr təhsili alan, hal-hazırda Pekin Xarici Dillər Universitetində Azərbaycan dili müəllimi kimi çalışan, əsl adları Siyuan Wang, Yuxuan Tang olan, Azərbaycanda isə Vaqif və Tamella kimi tanınan gənc tədqiqatçılar Prezident İlham Əliyevin Çinə dövlət səfəri çərçivəsində Xəzər TV və İctimai TV əməkdaşlarına müsahibə veriblər.

Onlar müsahibələrində Çində Azərbaycan dilinin tədqiqi və tədrisi ilə məşğul olduqlarını, bu prosesin iki dövlət arasındakı elmi, mədəni və iqtisadi əlaqələri gücləndirəcəyinə inandıqlarını və bu yolda davamlı çalışacaqlarını qeyd ediblər.