2025-ci il aprelin 24-də Xəzər Universitetinin Humanitar, təhsil və sosial elmlər fakültəsinin II kurs Tarix və coğrafiya müəllimliyi ixtisasının tələbələri Tarix və arxeologiya departamentinin koordinatoru Dr. Söhrab Mustafayevin və həmin departamentin müəllimi, arxeoloq Orxan Zamanovun təşkilatçılığı ilə AMEA Arxeologiya və Antropologiya İnstitutunun aparıcı elmi işçisi, arxeoloq Dr. Pərviz Qasımovun qədim sivilizasiyalar ilə bağlı problemə həsr olunmuş Etruskların mənşəyi barədə mühazirəsində iştirak etdilər.

Mühazirəçi Roma (latın) sivilizasiyasının formalaşmasında yunanlardan heç də geri qalmayan etrusk mədəni təsirinin oynadığı mühüm roldan söz açdı, tarixi Etruriyanın şəhər-dövlətlərinin siyasi-ictimai quruluşu, iqtisadi modeli, texniki, memarlıq, elmi nailiyyətləri, təsviri incəsənəti, ənənələri, dini görüşləri barədə məlumat verdi.

Mühazirədə etruskların etnogenezi barədə tarixi və müasir konsepsiyaları məsələsinə xüsusi olaraq toxunuldu. Bildirildi ki, arxeoloji tədqiqatların yekunlarına görə, etrusklar Cənubi Avropanın və həmçinin, Apennin yarımadasının Neolit dövrü mədəniyyətlərinin genetik davamı idi. Etrusk mədəniyyəti, yunan mədəniyyəti kimi Aralıq dənizi mədəniyyətləri (Anadolu, Levant, Qədim Misir, Krit-Miken) arasında dayanmadan qarşılıqlı təsir nəticəsində formalaşmışdı.

Etruskların dili aqqlütinativ olsa da, tam deşifrə edilməyib. Avropa akademik elmində arxeoloji və arxeogenetik tədqiqatların nəticələrini nəzərə alaraq belə ehtimal edilir ki, etrusk dili itmiş hər hansı paleo-

Maraqla qarşılanan mühazirənin sonunda geniş diskussiya aparılmışdır. Tələbələrlə xatirə fotosu çəkdirilmiş və gələcəkdə bənzər dərslərin keçirilməsi arzu edilmişdir.