2025-ci il aprelin 9-da Xəzər Universiteti Türkiyədə yerləşən, lakin əsas fəaliyyəti ərəb ölkələrindən tələbə cəlb edilməsinə yönəlmiş "StudyFans" təhsil şirkətinin baş menecer Ali Aydın, satış meneceri Ahmet Arslan, təhsil məsləhətçiləri Məryəm Əsgərli və Tahir Məmmədovu qəbul etdi.

Tədbirdə "StudyFans" nümayəndələri şirkətin fəaliyyəti, missiyası və tərəfdaş universitetlərlə əməkdaşlıq imkanları barədə  çıxış etdilər. Onlar ərəb ölkələrindən beynəlxalq tələbə cəlb etmə sahəsindəki təcrübələrini bölüşdülər və Xəzər Universiteti ilə mümkün əməkdaşlıq yollarını müzakirə etdilər.

Universitet tərəfindən tədbirdə Xəzər Universitetinin rector vəzifəsini icra edən Prof. Məhəmməd Nuriyev, Təbiət elmləri, sənət və texnologiya yüksək təhsil fakültəsinin dekanı Dr. Günel Bahəddinova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Keyfiyyətin Təminatı Mərkəzinin direktoru Lyudmila Sotova, Beynəlxalq əlaqələr şöbəsinin müdiri Fatimə Vəliyeva və koordinatoru Jalə Məmmədova iştirak etdilər.

Tədbir zamanı Xəzər Universiteti haqqında da ətraflı məlumat verildi. Hər iki tərəf gələcək əməkdaşlıq imkanlarını, ortaq layihələrin perspektivlərini və birgə fəaliyyətlərin hər iki tərəf üçün necə faydalı ola biləcəyini müzakirə etdilər. Görüş qarşılıqlı hədiyyələrin təqdim olunması ilə yekunlaşdı.