Aprelin 10-da İsveçrə Konfederasiyasının Azərbaycandakı səfiri Thomas Stähli və Konfederasiyanın Milli proqram üzrə məsul şəxsi Zahir Əhmədov Xəzər Universitetində oldular.

Görüş Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, universitetin rektoru vəzifəsini icra edən Prof. Məhəmməd Nuriyev, İdarəetmə və tələbə işləri üzrə prorektor Prof. İsaxan İsaxanlı, departament müdirləri və Beynəlxalq əlaqələr şöbəsi əməkdaşlarının iştirakı ilə keçib.

Görüşdə tərəfdaşlıq və əlaqələrin gücləndirilməsi müzakirə olunmuş, növbəti addımlarla bağlı fikir mübadiləsi aparılmışdır. Bundan əlavə, Xəzər Universitetinin İsveçrə universitetləri ilə akademik mübadilə, birgə araşdırma və qarşılıqlı maraq doğuran mövzularda seminarlar sahəsindəki əməkdaşlıq imkanları da nəzərdən keçirilmişdir.

Görüşün sonunda hədiyyələr təqdim edilib və xatirə şəkilləri çəkilib.