2025-ci il martın 17-də Xəzər Universitetinin İqtisadiyyat və menecment fakültəsinin dekanı Dr. Raziyə İsayeva universitetin tələbələri ilə görüş keçirdi. O, çıxışında fakültə haqqında ümumi məlumat verdi, fakültənin cari təşəbbüsləri, gələcək planları barədə danışdı.
Görüşdə tələbələrin bir sıra mühüm məsələlərə toxunduğu sual-cavab sessiyası da keçirildi. Bu məsələlər karyera inkişafı proqramlarından, tədqiqat imkanları və təcrübələrə qədər geniş bir spektri əhatə etdi.
Sessiya tələbələrin həm akademik, həm də universitetin qeyri-akademik həyatında iştirakının əhəmiyyətini vurğuladı.

Dr. İsayeva tələbələri əyləncəli bir bilik yarışmasına da cəlb edərək, universitetlə bağlı suallar verdi və mükafat olaraq kitablar təqdim etdi.
Sonda tələbələr dekanla belə açıq və konstruktiv bir mühitdə qarşılıqlı əlaqə qurma imkanı üçün təşəkkürlərini bildirdilər.