2025-ci il aprelin 2-də ADA Universitetinin bir qrup tələbəsi Xəzər Universitetinin Tarix və arxeologiya departamentində departament müdiri Dos. Telman Nüsrətoğlu ilə görüşərək, öz layihə işlərini təqdim ediblər.

Tələbələrin layihələri "XIX-XX əsrin əvvəllərində Rusiya imperiyası tərkibində Azərbaycan cəmiyyətinin təkamülü və Azərbaycan milli ideyasının yüksəlişi" mövzusu ətrafında olub. Dos. Telman Nüsrətoğlu tələbələri maraqlandıran sualları ətraflı şəkildə cavablandıraraq, mövzuya dair seminar keçib. Seminar zamanı tələbələrə mövzu haqqında daha geniş məlumatlar verilərək, müxtəlif aspektləri müzakirə edilib.

Tədbir tələbələrin akademik inkişafına töhfə verərək, onların mövzu haqqında biliklərini genişləndirmək üçün əhəmiyyətli imkan yaradıb.