Xəzər Universiteti Coğrafiya və ətraf mühit departmentinin müəllimi, Alman Beynəlxalq Əməkdaşlığı EU4Climate Resillence və PROGRESS layihələrinin məsləhətçisi Dr. Rövşən Abbasov “Climate Changes and GHG reduction in city environments” adlı kurikulum materialı hazırlamışdır. Bu kursun əsas məqsədi tələbələrə şəhər ərazilərində iqlim dəyişikliyinin təsirləri, iqlim riskinin azaldılması, təsirin azaldılması və uyğunlaşma tədbirlərinin təşkili və idarə edilməsi haqqında lazımi biliklər verməkdir. 

Kurs 240 dəqiqəlik olmaqla təkcə tələbələr üçün deyil, həm də qərarverici şəxslər və iqlim dəyişmələrinin şəhər mühitində təsirləri və onlara hazırlıq məsələləri ilə maraqlananlar üçün gərəkli ola bilər.

 Kurs 2024-2025-ci dərs ilində tələbələrə tədris edilmişdir.  Kurs çərçivəsində Rövşən Abbasov EU4Climate Resillence və PROGRESS layihələri ilə həyata keçirilən fəaliyyətlər barədə də ətraflı izahat vermişdir.

Kursla bağlı ilk məlumat 2024-cü ilin oktyabrında Xəzər Universitetində təşkil olunmuş “COP29 ərəfəsində: təhsil, ictimai səhiyyə və davamlı inkişafın koordinasiyası” adlı beynəlxalq simpoziumda verilmişdir.