2025-ci il martın 17-də Xəzər Universitetinin Mərmər salonunda İsmayıllı şəhəri Niyal kurslarının dinləyiciləri ilə görüş keçirilmişdir.  Universitetin Dillər və ədəbiyyatlar departamentinin müəllimi Ülvi Babasoy abituriyentlərə universitetin tədris prosesi və təhsil imkanları barədə ətraflı məlumat vermişdir. Niyal kurslarının məzunu, Xəzər Universitetinin İbtidai sinif müəllimliyi ixtisasının 3-cü kurs tələbəsi Sevda Nəbiyeva universitetdəki pozitiv ovqat və keyfiyyətli tədris prosesi ilə bağlı öz təəssüratlarını bölüşmüşdür.

Universitetin Psixologiya Mərkəzinin direktoru Mələk Kərimova vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı tövsiyələrini  vermişdir. 

Universitetin İctimai əlaqələr və media üzrə direktoru Əlövsət Əmirbəyli Xəzər Universiteti haqqında geniş çıxış etmişdir. 

Sonda abituriyentlər universitetin kitabxana və laboratoriyaları ilə tanış olmuşlar.