Xəzər Universiteti Mədəni Antropologiya və Folklor İnstututunun koordinatoru Dos.Aynur Qəzənfərqızı 2025-ci il martın 11-də Azərbaycan Dövlət Radiosunda çərşənbələrlə bağlı çıxış edib.

Verilişdə Novruz bayramının dörd çərşənbəsi - Su, Od, Yel və Torpaq çərşənbələrinin mənası, tarixi və xalq inanclarındakı rolu müzakirə olunub. Aynur Qəzənfərqızı çərşənbələrin qədim türk mifologiyası ilə bağlılığına toxunaraq, onların Azərbaycan xalqının mənəvi dəyərləri, adət-ənənələri ilə bağlılığı haqqında danışıb. Mövzu ilə bağlı verilən sualları cavablandıran Aynur Qəzənfərqızı çərşənbələrin gənc nəsillərə doğru şəkildə çatdırılmasının, milli irsin qorunması və gələcək nəsillərə ötürülməsinin vacibliyini qeyd edib. Dinləyicilərin böyük marağına səbəb olan bu veriliş Novruz ənənələrinin daha dərindən anlaşılmasına kömək olub.

Nigar Ələsgərli

MAFİ könüllüsü,

Xəzər Universiteti,1-ci kurs