Xəzər Universiteti Dillər və ədəbiyyatlar departamentinin Azərbaycan dili və ədəbiyyat müəllimliyi ixtisası üzrə tələbələri 2025-ci il martın 13-də Yunus Əmrə İnstitutunda Beşir Ayvazoğlunun  “Evə dönən şair: Yahya Kemal” adlı seminarında iştirak etdilər.

Seminar Yahya Kemal`ın keşməkeşli həyatına və ədəbi yaradıcılığına həsr olunmuşdu. Tədbirin birinci hissəsi Yahya Kemal`ın ailə durumu, təhsili, maraqları kimi mövzuları əhatə etsə də, ikinci hissəsində ədibin şeirləri oxundu və həyatına dair bir çox şəkil təqdim edildi.

Sonra iştirakçıların mövzu ilə bağlı sualları cavablandırıldı və xatirə şəkli çəkildi.