Xəzər Universitetinin Təbiət elmləri və mühəndislik fakultəsinin Fizika və elektronika departamentində Türkiyənin “Yıldırım Elektronik” şirkəti tərəfindən Elektrik Güc Sistemləri laboratoriyası yaradılıb.

Laboratoriya elektrik və elektronika mühəndisliyi ixtisası üzrə təhsil alan tələbələrin nəzəri biliklərini praktiki şəkildə tətbiq edərək inkişaf etdirmələrinə imkan verir.  Laboratoriya elektrik enerjisinin istehsalı, ötürülməsi, yayılması və istifadəsi ilə bağlı müxtəlif sistemləri sınaqdan keçirmək və araşdırmaq üçün nəzərdə tutulmuşdur. Belə ki, bu laboratoriya elektrik maşınlarının təlim seti, güç sistemləri təlim seti, modul kompensasiya təlim seti, ötürücü xətlərin təlim seti və torpaqlama təlim setlərindən ibarətdir.