2025-ci il martın 12-də Xəzər Universitetində Tarix və arxeologiya departamenti və Humanitar, təhsil və sosial elmlər fakültəsinin təşkilatçlığı ilə AMEA Arxeologiya və Antropologiya İnstitutunun "Neolit və Xalkolit dövrü arxeologiyası” şöbəsinin müdürü Dos. Xəqani Alməmmədovun "Cənubi Qafqazda erkən əkinçi-maldar mədəniyyətlərin təşəkkülü, inkişaf dinamikası və xronologiyası" mövzusunda elmi seminarı keçirilmişdir.

Seminarda Xəzər Universiteti Humanitar, təhsil və sosial elmlər fakültəsinin dekan müavini Pərvin Kərimova, AMEA Arxeologiya və Antropologiya İnstitutunun aparıcı elmi işçisi, Tarix və arxeologiya departamentinin müəllimi Dr. Yaqub Məmmədov, Tarix və Aarxeologiya departamentinin müəllimi Dr. Laçın  Mustafayev, Bakı Ali Neft Məktəbinin müəllimi Faiq Nəsibov və  Humanitar, təhsil və sosial elmlər fakültəsinin Tarix müəllimliyi və Tarix və coğrafiya müəllimliyi ixtisasları üzrə təhsil alan tələbələri iştirak etmişdir.

AMEA Arxeologiya və Antropologiya İnstitutunun baş elmi işçisi, tarix elmləri doktoru Tufan Axundovun xatirəsinə həsr olunmuş seminarda Dos. X. Alməmmədov Cənubi Qafqazda erkən əkinçi-maldar mədəniyyətlərin öyrənilməsi tarixindən, əldə olunmuş nəticələrdən, eləcə də, özünün bilavasitə iştirakı və rəhbərliyi ilə aparılan tədqiqatlar haqqında geniş məlumat vermişdir. Sonda mövzu ətrafında müzakirə aparılmış, tələbələri maraqlandıran suallar cavablandırılmışdır.