2025-ci il martın 7-də Xəzər Universiteti İsmayıllı rayonundakı “Niyal kursları” ilə birgə "Buraxılış imtahanına psixoloji hazırlıq" adlı vebinar keçirmişdir. “Niyal kursları”nın müdiri Həsən Məmmədov giriş sözü ilə çıxış etmiş və vebinarın əhəmiyyətini vurğulamışdır.

Vebinarda Dillər və ədəbiyyatlar departamentinin müəllimi Ülvi Babasoy universitetin tədris prosesi və təhsil imkanları barədə ətraflı məlumat vermişdir. Psixologiya departamentinin koordinatoru, psixoloq Mələk Kərimova vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı tövsiyələrini  vermiş, şagirdlərin suallarını cavablandırmışdır.