2025-ci il fevralın 27-də Xəzər Universitetinin koordinatoru olduğu ERASMUS+DIRNA layihəsi çərçivəsində universitetin İqtisadiyyat və menecment fakültəsinin dekanı Raziyə İsayeva tərəfindən  “Müəllif hüquqları və plagiarizm” mövzusunda təlim keçirildi.

Təlimdə layihə çərçivəsində iştirak edən universitetlərin - Xəzər Universiteti, Bakı Dövlət Universiteti, Azərbaycan Texniki Universiteti, Dövlət Gömrük Komitəsinin Akademiyası, Naxçıvan Dövlət Universiteti, Gəncə Dövlət Universiteti, Mingəçevir Dövlət Universiteti və Lənkəran Dövlət Universitetinin əməkdaşları əyani və onlayn şəkildə iştirak etdilər.

Təlimçi “Müəllif hüquqları nədir?”, “Araşdırmada müəllif hüquqları kimə məxsusdur”?, “Müəllif müqavilələri üzrə müəlliflik hüquqlarının verilməsi”, “Tədqiqatda müəllif hüquqları ilə qorunan materiallardan istifadə”, “Plagiarizm nədir?”,” Plagiarizmin növləri”, “Düzgün sitat və istinad”, “Sitat və istinad idarəetmə vasitələri», “Plagiatın yoxlanılması vasitələri” haqqında iştirakçılara ətraflı məlumat verdi.

Təlimin sonunda mövzu ərtafında müzakirələr aparıldı.