Xəzər Universiteti, İnnovasiya və Rəqəmsal İnkişaf Agentliyi və Coders Azerbaijan-ın birgə təşkilatçılığı ilə keçirilən “Red Hat – System Administration” təlimləri uğurla tamamlanmışdır. 

2025-ci il fevralın 22-də  Qafqaz Baku Hotel&Residence-də keçirilən bağlanış mərasimində Xəzər Universitetinin Təbiət elmləri və mühəndislik fakültəsinin dekanı Fəxrəndə Əfəndiyeva və Coders Azerbaijan-ın həmtəsisçisi və idarə heyətinin üzvü Seymur Həmidov təlimi başa vuran tələbələri təbrik etmiş, onlara gələcək fəaliyyətlərində uğur arzulamışlar.

Tədbir çərçivəsində "Kiber təhlükəsizlik ekosistemi: yerli kadrların yetişdirilməsi" mövzusunda keçirilən panel müzakirəsində ekspertlər kiber təhlükəsizlik sahəsində yerli ixtisaslı kadrların hazırlanmasının vacibliyi barədə mülahizələrini bildiriblər.

Sonda təlimi uğurla tamamlayan məzunlara sertifikat və hədiyyələr təqdim olunub.