Xəzər Universiteti Dillər və ədəbiyyatlar departamentinin Alman dili müəllimləri Şəlalə Mirzəyeva və Sevinc Allahverdiyeva 2025-ci il fevralın 22-də Azərbaycan Alman dili Müəllimləri Birliyi (DLV) və Alman Akademik Mübadilə Mərkəzi (DAAD) Bişkek filialının birgə təşkil etdikləri seminarda iştirak ediblər. Azərbaycan Dillər Universitetinin Germanistika Mərkəzində keçirilən ikigünlük seminarın moderatorları DAAD-nin Bişkek nümayəndəsi Anja Lange və Guldastan İsmayılova olublar.

Seminarın birinci günündə “Elmi işlər və onların yazılması qaydaları” mövzusu əsasında məruzə dinlənilib və müzakirələr aparılıb. Seminarın ikinci günündə isə “Alman dilinin texniki sahələrdə tədrisi metodikası” məsələləri ətrafında nəzəri və praktik tapşırıqlar icra edilib.