Siyasi elmlər və fəlsəfə departamentinin müdiri Dos. Orxan Vəliyev 2025-ci il yanvarın 31-də Beynəlxalq Münasibətlərin Təhlili Mərkəzinin (BMTM) təşkilatçılığı ilə keçirilən "Fransa və Ermənistan-Azərbaycan münaqişəsi" mövzusunda beynəlxalq konfransda iştirak etmişdir.
Açılış nitqi ilə çıxış edən BMTM-in İdarə Heyətinin sədri Fərid Şəfiyev ikitərəfli münasibətlərdə soyuqluq yaradan tərəfin Fransa olduğunu diqqətə çatdırıb. F.Şəfiyev ikitərəfli münasibətlərdəki böhrana baxmayaraq, akademik sahədə əlaqələrin inkişafının,  Fransa ilə bağlı araşdırmaların davam etdirilməsi və fransız dilinin öyrənilməsinin vacibliyini vurğuladı.
BMTM-in İdarə Heyətinin üzvü Gülşən Paşayevanın moderatorluğu ilə keçirilən "Fransanın Ermənistan-Azərbaycan münaqişəsində rolu" mövzusuna həsr olunan birinci panel sessiyada Lazur Sahili Universitetinin (“Côte d'Azur”) ictimai hüquq üzrə professoru Kristian Vallar, Azərbaycan Respublikası Milli Məclisinin deputatı Tural Gəncəliyev, “Conflicts” jurnalının direktoru Gil Mihaeli və Bakı Dövlət Universitetinin professoru Məmmədağa Baxışovun çıxışları dinlənildi. 
BMTM-in şöbə müdiri, Xəzər Universiteti Siyasi elmlər və fəlsəfə departamentinin müəllimi Vasif Hüseynovun moderatorluğu ilə keçirilən ikinci sessiyada Azərbaycan Respublikası Milli Məclisinin deputatı Asim Mollazadə, müstəqil araşdırmaçı, “EurasiaPeace” beyin mərkəzinin təsisçisi Morgan Kalley, Karlton Universitetinin Avropa, Rusiya və Avrasiya Araşdırmaları İnstitutunun baş tədqiqatçısı Robert Katler və Strasburq Vəkillər Kollegiyasının hüquqşünası və Fransadakı Mədəniyyət Araşdırmaları İnstitutunun həmtəsisçisi Jan Emmanuel Medina çıxış etmişlər.

Link: https://azertag.az/xeber/bakida_fransa_ve_ermenistan_azerbaycan_munaqisesi_movzusunda_beynelxalq_konfrans_teskil_olunub_video-3398383