Xəzər Universitetinin İqtisadiyyat və menecment departamentində 2024-cü il yanvarın 31-də efiopiyalı doktorantura tələbəsi Abebe Gule Girman`ın "Afrika ölkələrində maliyyə sektorunun inkişafının iqtisadi artıma təsiri" mövzusunda dissertasiya işinin ilkin müzakirəsi keçirilmişdir. Təqdimat zamanı doktorant mövzunun aktuallığını, məqsəd və tədqiqat nəticələrini ətraflı şəkildə təqdim etmişdir.

Müzakirədə universitetin professor-müəllim heyəti, elmi rəyçilər və departamentin əməkdaşları iştirak etmişlər. İştirakçılar tərəfindən tədqiqat işinin aktuallığı, elmi yeniliyi və praktiki əhəmiyyəti qeyd edilmiş, mövzu ilə bağlı müzakirələr aparılmışdır. Müzakirənin sonunda dissertasiya işi yekdilliklə müsbət qiymətləndirilmişdir.

İlkin müzakirənin nəticələrinə əsasən, dissertasiya işinin növbəti mərhələyə təqdim olunması qərara alınmışdır.