Baytarlıq təbabəti ixtisası üzrə təhsil alan  I-V kurs tələbələrinin birgə iştirakı ilə Baytarlıq təbabəti departamentinin müəllim və koordinatoru Çiçək Əliyeva tərəfindən “Elmi-tədqiqata neçə başlamalı?” mövzusunda təlim keçirilmişdir. Təhsil və elm vəhdətinin təşkil olunması, tələbələrin elmi araşdırmalardakı rolu və onların bu prosesə cəlb edilməsi üsulları, ümumilikdə isə elmi-tədqiqat işlərinin vacibliyi haqqında məlumatlar verilmişdir. Eyni zamanda elmi-tədqiqat mövzusunun seçilməsi, tədqiqat işinin aktuallığının qiymətləndirilməsi, tədqiqatın aparılma üsulları, nəticələrin təhlili, mövzuya dair xülasə və elmi məqalələrin tərtibatı haqqında tələbələrlə birgə müzakirələr aparılmışdır.

Təlimin əsas məqsədi tələbələrin elmi araşdırmalara olan marağının yüksəldilməsi və tələbə-müəllim əlaqəsini artıraraq müvafiq sahə üzrə müxtəlif tədqiqat işlərinin başlanması olmuşdur.