2025-cü il yanvarın 10-da Erasmus+DIRNA layihəsi çərçivəsində 8 tərəfdaş Azərbaycan universitetlərinin tədqiqat materiallarının toplanacağı İnstitusional repozitoriyanın təqdimatı oldu.

Təqdimatda repozitoriyanın strukturu, metadataların daxil edilməsi, özü arxivləşdirmə (self -archiving), statistik məlumatların funksiyaları Xəzər Universitetinin akademik heyətinə nümayiş olundu. Həmçinin, akademik heyətə özü arxivləşdirmə xidmətində şəxsi səhifənin yaradılması, tədqiqatçının şəxsi səhifəsində tədqiqat materiallarını yerləşdirilməsi praktik məşğələ şəklində izah edildi.

Təqdimat Xəzər Universitetinin kompüter elmləri departamentinin müəllimi Dr. Hafiz Muhammad Azeem Akram tərəfindən keçirildi.