Education and Training Services (ETS) MMC  dekabrın 22-də 1 yaşını qeyd etdi. ETS 1 illik fəaliyyəti ərzində uğurlu layihələrə imza atmaqla yanaşı, 15-dən çox müxtəlif mövzuda uzunmüddətli və qısamüddətli təlimlər keçirmişdir, mentorluq proqramı ilə məşğul olmuşdur. Xəzər Universiteti cəmiyyətlə birgə infosessiya və müxtəlif seminarlar təşkil etmişlər.

ETS-in 1-ci il dönümünə həsr olunmuş ziyafətdə Xəzər universitetinin rektoru Dos. İradə Xəlilova və Neft mühəndisliyi departmentinin əməkdaşları Fidan Aslanzadə və Günay Muradova iştirak etmişlər.

Qonaqları cəmiyyətin direktoru Dr. Elvin Əhmədov və direktor müavini Sevindik Süleymanov açılış sözü ilə salamladıqdan sonra MMC-nin illik fəaliyyəti barədə filmlər nümayiş olunmuşdur. Bundan sonra qonaqların təbrik çıxışları dinlənilmiş və MMC tərəfindən dərc olunmuş təlim materialları və kitabların sərgisi nümayiş edilmişdir. Qonaqların marağına səbəb olan kitablar iştirakçılara hədiyyə olunmuşdur.