2024-cü il dekabrın 25-də Xəzər Universiteti Mərakeşin İbn Tofail Universitetinin nümayəndəsi Prof. Hassan El Bari`ni qəbul edib.

Qəbul Xəzər Universitetinin Tədris işləri üzrə prorektor Prof. Məhəmməd Nuriyev, Mühəndislik Biomateriallar Tədqiqat Mərkəzinin direktoru Soodabeh Davaran, Fizika və elektronika departamentinin müdiri Fəridə Tatartar, Həyat elmləri departamentinin müdiri Cəmalə Eldarova, Həyat elmləri departamentinin tədqiqatçısı Cavid Ocaqi, Beynəlxalq əlaqələr şöbəsinin müdiri Fatimə Vəliyeva və koordinatoru Seyran Əliyevanın iştirakı ilə keçib.

Materialşünaslıq üzrə fəlsəfə doktoru,  Prof. Hassan El Bari İbn Tofail Universitetinin fəaliyyət istiqamətləri, eləcə də tullantıların idarə edilməsi və bərpası ilə bağlı çıxış etmişdir. Fatimə Vəliyeva Xəzər Universiteti haqqında ətraflı məlumat verib.

Görüşdə Mərakeşin İbn Tofail Universiteti ilə Xəzər Universiteti arasında tərəfdaşlıq və əlaqələrin gücləndirilməsi müzakirə olunmuş, növbəti addımlarla bağlı fikir mübadiləsi aparılmışdır

Görüşün sonunda hədiyyələr təqdim olunub və xatirə şəkilləri çəkilib.