2024-cü il dekabrın 19-da İqtisadiyyat və menecment departamentində doktorantura tələbəsi Coşqun Məmmədovun "Azərbaycanda alternativ və bərpa olunan enerji istehsalı müəssisələrinin inkişafının stimullaşdırılması" mövzusunda dissertasiya işinin ilkin müzakirəsi keçirilmişdir. Doktorant tərəfindən mövzunun aktuallığı, məqsəd və tədqiqat nəticələri ətraflı şəkildə izah olunmuşdur.

Müzakirədə universitetin professor-müəllim heyəti, elmi rəyçilər və departamentin əməkdaşları iştirak etmişlər. İştirakçılar tərəfindən tədqiqat işinin aktuallığı, elmi yeniliyi və praktiki əhəmiyyəti qeyd edilmiş, mövzu ilə bağlı müzakirələr aparılmışdır. Müzakirənin sonunda dissertasiya işi yekdilliklə müsbət qiymətləndirilmişdir.

İlkin müzakirənin nəticələrinə əsasən dissertasiya işinin növbəti mərhələyə təqdim olunması qərara alınmışdır.