2024-cü il dekabrın 13-də Xəzər Universitet “Dünya” məktəbində Nailəxanım Fondunun təsis etdiyi Nailəxanım təqaüdünün təqdim olunması mərasimi keçirildi, Tədbirdə Xə­zər Universiteti “Dün­ya” Məktəbi Təh­sil Kompleksinin direktoru Ay­gün Gardiner və əməkdaşları,  Xəzər Universitetinin təsisçisi, Direktorlar və Qəyyumlar Şurasının sədri Prof.Akad. Hamlet İsaxanlı, rektor Dos. İradə Xəlilova, fakültə dekanları və departament müdirləri, Britaniya Şurasının Azərbaycan üzrə direktoru Nərgiz Hacıyeva, ölkənin görkəmli elm və mədəniyyət xadimləri, Meksikanın Azərbaycandakı səfirliyi və dlgər səfirliklərin nümayəndələri iştirak edirdilər.

Nailəxanım İsayevanın həyat və fəaliyyətinə həsr olunmuş videofilm nümayiş olundu.

Çıxışlardan sonra Xə­zər Universiteti “Dün­ya” Məktəbi Təh­sil Kompleksinin direktoru Ay­gün Gardiner Şri-Lanka vətəndaşı Dona Nayanathara Ranmalie Amunarawa`ya (Layihələrin idarə olunması ixtisası üzrə magistratura təhsili) təqaüd sertifikatını təqdim etdi. Təqaüdçü tələbə Nailəxanım fonduna minnətdarlığını bildirdi. İştirakçılara konsert proqramı da təqdim olundu.

Qeyd edək ki, görkəmli pedaqoq, təhsil təşkilatçısı, “Dünya” məktəbinin yaradıcısı və qurucusu Nailəxanım İsayevanın xatirəsinə təsis edilən Nailəxanım Fondunun təqaüdü dördüncü dəfə təqdim edildi.

Bəzi media qurumları tədbir haqqında xəbər yayımlayıb.

https://moderator.az/az/foto/834239/azerbaycanda-olan-bu-fond-sri-lankali-xanima-teqaud-verecek/