2024-cü il dekabrın 13-də Xəzər Universitetinin Təbiət elmləri və mühəndislik fakültəsinin I kurs tələbələri Tarix və arxeologiya departamentinin müəllimi Dr. Yaqub Məmmədovun təşkilatçılığı ilə Milli Azərbaycan Tarixi Muzeyində olublar.

Milli Azərbaycan Tarixi Muzeyində 2024 - cü ilin aprel ayında istifadəyə verilən ekspozisiyada tarixin ən qədim çağlarından indiyədək olan dövrlərə aid 300 mindən çox nümunə nümayiş edilir.

Muzeyin bələdçisi Gülnarə Əzimova muzeydə qorunan tarix-mədəniyyət nümunələri haqqında geniş məlumat vermiş və tələbələrin suallarını cavablandırmışdır.

Muzeylərlə tanışlıq tələbələrin qazandıqları nəzəri biliklərin möhkəmləndirilməsinə xidmət edir və bu iş mütəmadi təşkil olunur.