2024-cü il dekabrın 10-da Xəzər Universitetinin Mərmər salonunda Səttar Bəhlulzadə adına Xarici Dillər Təmayüllü Gimnaziyanın şagirdləri ilə görüş keçirilmişdir. Universitetin Psixologiya Mərkəzinin direktoru Mələk Kərimova vaxtın idarə edilməsi, imtahan prosesində həyəcanın aradan qaldırılması və səmərəli çalışma metodları ilə bağlı çıxış etmişdir.

 Dillər və ədəbiyyatlar departamentinin müəllimi Ülvi Babasoy Xəzər Universiteti haqqında məlumat vermiş və abituriyentlərin suallarını cavablandırmışdır. Gimnaziyanın Azərbacan dili və ədəbiyyatı müəllimi Elyas Cəfərov Xəzər Universiteti haqda öz təəssüratlarını bölüşmüş və universitet rəhbərliyinə təşəkkür etmişdir.

Sonda Xarici Dillər Təmayüllü Gimnaziyanın şagirdləri Xəzər Universitetinin maddi-texniki bazası ilə yaxından tanış olmuşlar.