2024-cü il noyabrın 6-7-də Xəzər Universitetindən Lyudmila Sotova (Keyfiyyət Təminatı Mərkəzinin direktoru), Fəridə Tatardar (Fizika və elektronika departamentinin müdiri) və Səbinə Quluyevadan (İnkişaf Mərkəzinin layihə meneceri) ibarət heyət İspaniyanın Coruna Universitetində keçirilən Erasmus+ "Azərbaycan, Gürcüstan və Ukraynada Avropa enerji səmərəliliyi üzrə qarşılıqlı yardım tərəfdaşlığı” 3E layihəsinin növbəti tədbirində iştirak ediblər.

Tədbiri Coruna Universitetinin professoru  Ana Ares Pernas açıb. Sonra Sənaye mühəndisliyi  şöbəsinin müdiri José Luis Calvo Rolle Ferrol Politexnik və mühəndislik fakültəsi haqqında məlumat verib.

Gün boyu davam edən tədbirdə iştirakçılar Ferrol  kampusundakı CITENI laboratoriyasının enerji texnologiyalarındakı ən son yeniliklərlə tanış olublar.

Növbəti gün NAVANTIA Gəmiqayırma Zavoduna və Qalisiya Texnologiya İnstitutuna tur təşkil edilmişdir.

Tədbirin sonunda qarşıda duran planlar müzakirə olunub.