2024-cü il noyabrın 22-də Bakıda Litva Respublikasının Azərbaycandakı səfirliyi və Ukraynanın Azərbaycandakı səfirliyinin birgə təşəbbüsü ilə Bakıda “NOT ALL OF THEM: Litvadakı ukraynalı qaçqınların fotosərgisi” təşkil olunub. Xəzər Universiteti İngilis dili və ədəbiyyatı departamentinin müdiri Milana Abbasova Litva səfirliyinin dəvəti ilə sərgidə iştirak edib. 

Sərgidə Ukraynadan Litvaya üz tutmuş müharibə qaçqınlarının ağ-qara təsvirlərinin yer aldığı 27 foto və onların hekayələri nümayiş olundu. Bu fotolar istedadlı litvalı fotoqraf Antanas Sutkus ilə birgə həmkarları Artūras Morozovas və Tadas Kazakevičius tərəfindən çəkilmişdir. Təqdim olunan hekayələrin əksəriyyəti “Ora qayıtmaq istəyirəm”, yaxud “Tezliklə oraya qayıdacağam” sözləri ilə tamamlanırdı.

Sərginin əsas məqsədi cəmiyyətin diqqətini Ukraynada 2 ildən çox davam edən müharibəyə cəlb etmək və oradaki insanların real həyat hekayələrini ortaya çıxarmaqdan ibarət idi.