2024-cü il oktyabrın 22-24-də Xəzər Universiteti "Süni intellekt tətbiqləri üzrə aktual mövzular" adlı üçgünlük seminara ev sahibliyi etdi. Universitetin İntellektual Sistemlər üzrə Tədqiqat Mərkəzi (İSTM) tərəfindən təşkil edilən seminar süni intellekt (Sİ) sahəsindəki ən son tendensiyaları, çağırışları və yenilikləri araşdırmaq həvəsində olan tədris işçilərini, sənaye ekspertlərini və tələbələri bir araya gətirdi.

Seminarın ilk günü Prof. Reza Həsənpur "Maşın öyrənməsinin kök sistemlərə inteqrasiyası: imkanlar və çağırışlar" mövzusunda məruzə etdi, maşın öyrənməsinin praktiki tətbiqinin əhəmiyyətini vurğuladı və texnologiyanın transformativ gücünü nümayiş etdirən real tətbiqləri nəzərə çatdırdı.

İkinci gün universitetin Mərmər zalında keçirilən sessiya rəqəmsal təsvir emalında, ağıllı nəqliyyat sistemlərində (ANS) və robotikada Sİ tətbiqlərinə yönəldi. Prof. A. Şahbəhrami tərəfindən "ANS-də rəqəmsal təsvir emalı tətbiqləri" mövzusunda sessiya ilə başladı və təsvirə əsaslanan ANS və nömrə nişanlarının aşkarlanmasını əhatə etdi. İştirakçılar inkişaf edən ANS və onun təsvir emalı texnikalarından əhəmiyyətli asılılığı haqqında məlumat əldə etdilər. Sonra Əli Turani tərəfindən robotların qavrayışı üçün kompüter görünüşü sistemləri haqqında maraqlı təqdimat edildi. Daha sonra Prof. Həsənpur Prof. Şahbəhrami ilə birgə tələbələrə və gənc tədqiqatçılara tədqiqat məqalələri və təklifləri yazmaq üçün tövsiyələrini bildirdilər.

3-cü günün əsas məqamları mental sağlamlıq üçün Sİ, PUA təhlükəsizliyi, İoT və təsvir keyfiyyətinin qiymətləndirilməsi oldu. Nima Esmi günə "Mental sağlamlıqda Sİ: imkanlar və çağırışlar" mövzusunun müzakirəsi ilə başladı və son Sİ modelləri təqdim edildi. Nima Esmi, həmçinin, bu həssas sahədə etik narahatlıqlar və data çətinliklərini də işıqlandırdı. Əkbər Telikani "PUA-dəstəkli ANS-də düşmən hücumları və müdafiələr" mövzusunda təqdimat edərək, pilotsuz uçuş aparatları tərəfindən dəstəklənən ANS sistemlərində təhlükəsizlik zəiflikləri ilə bağlı artan narahatlıqları müzakirə etdi. Prof. Seyid Haşım Mirbahari "İoT və onun tətbiqinin dərindən araşdırılması" mövzusunda İoT texnologiyasının çoxşaxəliliyi üçün təxminən səkkiz praktik layihə nümayiş etdirdi.

Seminar Təbiət elmləri və mühəndislik fakultəsinin dekanı Dr. Fəxrəndə Əfəndiyevanın rəhbərliyi ilə sertifikat təqdimetmə mərasimi ilə başa çatdı.