2024-cü il  oktyabrın 7-10-da Türkiyənin Aksaray Universitetinin müəllimi Selim Karagöz ERASMUS+(KA171) mübadilə proqramı çərçivəsində Xəzər Universitetində olmuşdur.

İlkin görüşdə Xəzər Universitetindən Beynəlxalq əlaqələr şöbəsinin müdiri Fatimə Vəliyeva və koordinatoru İlqarə Abdullayeva, Tarix və arxeologiya departamentinin müəllimi Söhrab Mustafayev iştirak etmişlər.

Növbəti günlərdə Selim Karagöz Tarix və arxeologiya departamentinin müdiri Telman Quliyevin və müəllimləri Söhrab Mustafayev və Nurlan Nəsirovun dərslərində iştirak etmiş və özü də  müxtəlif mövzularda bir neçə dərs keçmişdir.

Proqramın davamında Tarix və arxeologiya departamentinin müdiriTelman Quliyev və müəllimi Roza Arazova qonaqla görüşüblər. Görüşdə  Beynəlxalq əlaqələr şöbəsinin koordinatorları İlqarə Abdullayeva və Əli Mirzəzadə iştirak etmişlər.

Selim Karagöz İlqarə Abdullayevanın müşayiəti ilə Atəşgah Məbədində olmuşdur.