2024-cü il oktyabrın 21-də Azərbaycanda Beyin Mərkəzləri Platformasının və onun onlayn portalının (think-tanks.az) təqdimatı keçirilib. Beyin Mərkəzləri Platforması Azərbaycanda siyasi, iqtisadi, daxili, ekoloji və digər mühüm sahələrdə ixtisaslaşmış beyin mərkəzləri şəbəkəsidir. Platformanın yaradılmasında əsas məqsəd beyin mərkəzlərinin fəaliyyətini dəstəkləmək, dövlət qurumları ilə beyin mərkəzləri arasında müntəzəm ünsiyyət və əməkdaşlığı inkişaf etdirməkdir.
Təqdimatda Beyin Mərkəzləri Platformasının Azərbaycanın dünyaya çıxış imkanlarının genişləndirilməsində və Azərbaycan haqqında qlobal miqyasda məlumatlılığın artırılmasında mühüm rol oynayacağı vurğulanıb. Müzakirə, həmçinin, qlobal risklərin yaratdığı çağırışlara hazırlaşmaq üçün beyin mərkəzlərinin vahid platformasının yaradılmasının əhəmiyyəti, beyin mərkəzləri ilə ictimaiyyət arasında əlaqələrin gücləndirilməsi və digər əlaqəli məsələləri əhatə edib.
Qeyd edək ki, Beyin Mərkəzləri Platforması özündə 27 beyin mərkəzini birəşdirir.